राजकीय

साऱ्याच भांडणांचा बदलेल टोन आता
मुघलांस मावळ्यांचे जातील फोन आता!

झेंडे जरी निराळे, अन घोषणा निराळ्या
नेते परस्परांचे होतील क्लोन आता

भाऊ म्हंजे आपला जीव की प्राण
भाऊंसाठी सारी जिंदगी गहाण
भाऊंचा वाढदिवस म्हणजे कार्यच घरचं
भाऊंच्या खुशीसाठी 'होऊ दे खर्च'

रोज सकाळी पेपर वाचून झाला
की रोजच मी स्वतःला मनापासून पटवून देतो

कॉंग्रेस आणि राष्ट्रवादीची आघाडीच आहे
शिवसेना आणि मनसे दोन वेगळेच पक्ष आहेत....

देशासाठी चांगलं काही करायचं, तर सत्तेत आलं पाहिजे
सत्तेत यायचं तर, निवडणुक जिंकायला पाहिजे

सव्वा अब्ज लोकांचे
अडीच अब्ज हात
अहोरात्र मेहनत करायला तयार असताना
या देशाचा कायापालट होणं
सहज शक्य आहे राव!

आपल्या महाराष्ट्रात साहेब चारच!
पहिले घड्याळवाले आद्य काकासाहेब
दुसरे घड्याळवालेच ज्युनियर दादासाहेब
तिसरे वाघवाले धनुष्यबाणसाहेब
आणि चौथे मराठीवाले रेल्वेइंजिनसाहेब