वैयक्‍तिक
'आमचे येथे सर्व प्रकारची भुतं, पिशाच्च इ ठोक तसेच किरकोळ भावात कॉम्प्युटराईज्ड पद्धतीने उतरवून मिळतील' स्वामी चंद्रकुमार जोशी (BE Comp, US Returned)
(सूचना: वाड्यात चौकशी करत बसू नये, अपमान होईल. कुठेही काहीही चौकशी न करता डाव्या हाताच्या जिन्याने दुस या मजल्यावर येणे.
चाल: केशवा माधवा तुझ्या नावात रे गोडवा
पेटवा पेटवा
ह्याच्या कानाखाली पेटवा
चाल : घर आजा परदेसी तेरा देस बुलाये रे
कुठून आली कळले नाही
कुठे निघाली कळले नाही
काहीच कळण्या आधी माशी उडून गेली रे
उडून आली माशी आणि उडून गेली रे
चाल: दिवस असे की कोणी माझा नाही
दिवस असे की
दात घासले नाही
अन अंघोळ केली नाही
दिवसाही मी निवांत आता निजतो
दिसेल तेथे अंथस्र्ण पसस्र्न देतो
अंथस्र्ण माझे कधीच उचलत नाही
मज आता उठवत नाही!
जिकडे तिकडे सगळे नुसते कपडे
धुतलेले अन न धुतलेले कपडे
त्या कपड्यांना घड्याच घालत होतो
पण अता घालवत नाही
निर-उद्योगी आहे मी वा आळशी
बोलू नकाना कोणीही माझ्याशी
मजला तुम्ही हजार नावे ठेवा
मज काहीच वाटत नाही!
चाल: चांदण्यात फिरताना माझा धरलास हात
चांदण्यात घोरताना मोठा येतो आवाज
तरी आहे सावरतो, आवरतो मी आवाज
निजलेला मज बघुन, गेलीस तू का निघुन
हाक दिली असती तर बसलो असतो उठून
झोप माझी कुंभकर्ण, मला त्याची वाटे लाज
फसले सगळे उपाय, कितीही होते कठोर
जांभई ही छळवादी अन हे डोळे फितूर
काय करू यांच्यापुढे होतो माझा नाईलाज
चाल: या जन्मावर, या जगण्यावर शतदा प्रेम करावे
या चिवड्यावर, या भेळीवर
शतदा प्रेम करावे
रगडा पुरी, पाणी पुरी
इच्छा झाली पूरी
दाबेलीच्या पावामधुनी
फिरते माझी सुरी
पुरी टम्मशी बघुन कुणाचे
फुगरे गाल स्मरावे
चाल: सखी मंद झाल्या तारका
सखी बैल आला मारका
आता तरी पळशील का? पळशील का?
ती गाय तेथे देखणी
आली तशी गेली गुणी
तो बैल बघतच राहिला
त्या गवत तू देशील का?
गोठ्यातल्या चार्‍याहुनी
हे गवत आहे चांगले
म्हणुनी उरे काही उणे
तू पूर्तता करशील का?
आज हापिसात मी झोपलो म्हणे जरा
काम सर्व टाळुनी लोळलो म्हणे जरा!
आसपास माझिया एकवार पाहिले
पाय ताणले जरा... पेंगलो म्हणे जरा
नीज लागता मला, स्वप्न पाहिले तुझे
हाय, तोल जाउनी, सांडलो म्हणे जरा!
झोप लागली अशी... गाढ गाढ गोड ती
सांगतात लोक की, घोरलो म्हणे जरा
झोप झोप झोपुनी सुस्त जाहलो असा
मी पुरा मढ्यापरी भासलो म्हणे जरा!
सदैव माझा पाठलाग का करीत असतो झब्बू
खेळ कुठेही, खेळ कसाही मलाच मिळतो झब्बू!
फुले घेऊनी जातो जेंव्हा कुठल्या राणीसाठी
राणी तेंव्हा थांबुन असते भलत्या राजासाठी!
'लग्न-पत्रिका' घेऊन येते, देऊन जाते झब्बू
खेळ कुठेही, खेळ कसाही मलाच मिळतो झब्बू!
ज्या ज्या वयात जे जे करायचं
त्या त्या वयात ते ते करायचं!
लहानपणी... फुलपाखरांच्या मागे धावायचं
तरुण वयात 'पाखरां'च्या मागे धावायचं
प्रौढ वयात कुटुंबासाठी धाव धाव धावायचं
म्हातारपणी देवाचं नाव घेत गप पडून रहायचं...
ज्या ज्या वयात जे जे करायचं
त्या त्या वयात ते ते करायचं!
