प्रेरणादायी

वेगळा आवाज माझा वेगळा माझा गळा
राहुनी गर्दीतही या राहतो मी वेगळा

बाटलेले सूर सारे आज माझ्या भोवती
त्या सुरांच्या मध्यभागी सूर माझा सोवळा

मी कधी मागीतली नाही तुझी तारांगणे
का तरीही भोगतो त्या तारकांच्या मी झळा

आजही तोडून गेले ते फुलांच्या पाकळ्या
आसवांनी सिंचतो मी आजही माझा मळा

राहिली माझी इथे ना राखही आता जरी
का पुन्हा दारात यावा हा भुकेला कावळा

हृदयात या रुजले ऋतू
देहात या फुलले ऋतू

ही पालवी आली नवी
हे अंतरी सजले ऋतू

तेजाने तळपत होता भास्कर तो गझलेचा
शून्यात लोपला आता भास्कर तो गझलेचा

हातात घेतली होती त्याने मशाल चैतन्याची
आजन्म पेटला होता भास्कर तो गझलेचा

छेडतो जेथे कुठे मी सूर माझा
लोटतो गावात सार्‍या पूर माझा

भांडतो आहे अता मी वादळाशी
वेगळा आहे अताशा नूर माझा

ना रिता झाला कधी त्या लाजर्‍या मेघात मी
आजही थांबून आहे पापणीच्या आत मी

ज्या ठिकाणी श्वास माझा कोंडला होता कधी
त्या हरामी मैफ़लीचे गीत नाही गात मी

हाती दिलास माझ्या हा मंतस्र्न प्याला
केला रिता तरीही जातो भस्र्न प्याला!

साकी तुझ्या सुरेची आहे अशीच जादू
जातो तहानल्याला प्यासा कस्र्न प्याला

जातो जिथे जिथे मी नेतो हिच्या मशाली
जिंकून विश्व सारे, बोलेन मायबोली

एकेक अक्षरांच्या वाहुनिया पखाली
घालू सडे सुखाचे, शिंपून मायबोली

परदेशातून देशामध्ये वारा बनून आलो
क्षितीजावरती चमचमणारा तारा बनून आलो

दाटून आलो डोक्यावरती बनून काळे मेघ
कोसळणार्‍या थेंबांमधल्या गारा बनून आलो

पंख आशांचे अता फैलावतो सेन्सेक्स
उंच आभाळी अता झेपावतो सेन्सेक्स

ही सुबत्तेची गुलाबी साखरी स्वप्ने
चाखण्या गोडी अम्हा बोलावतो सेन्सेक्स

भोवताली स्वर्ग अमुचे निर्मितो आम्ही
चित्र स्वर्गाचेच या रेखाटतो सेन्सेक्स

लाख लाखांच्या चुली चेतावतो सेन्सेक्स
लाख लाखांची छते शाकारतो सेन्सेक्स

फूल कोणा लाभते, काटे कुणासाठी
का मिठी कोणा, कुणा फटकारतो सेन्सेक्स?

अन कधी गर्तेत हा झेपावतो तेंव्हा
प्राशुनी कोट्यावधी थंडावतो सेन्सेक्स

ओळखावे तू तरी आता 'प्रसादा' हे
खेळ मायेचाच सारा खेळतो सेन्सेक्स