रोमॅंटिक

माझ्या तुझ्या सुरांच नातं असं जुळू दे
नात्यात आपल्या गं मल्हार कोसळू दे

आलीस घेउनी तू तारांगणे सुखाची
जातेस का? जरा या चंद्रास मावळू दे

तुझ्याविना सखे इथे उशी विराण आजही
तुझीच वाट पाहुनी उदास प्राण आजही

विराट सागरावरी तुझाच चांद येतसे
तुझीच लाट अंतरी, तुझे उधाण आजही

पौर्णिमेचे चांदणे नेसून ये
आज तू कोजागिरी होउन ये

काल जे शिंपून गेलो अंगणी
चांदणे ते आज तू वेचून ये