‘सुखांचे सॅशे’ हा ललित लेखसंग्रह आपल्या हातात देताना मला मनापासून आनंद होतो आहे. ह्या संग्रहामध्ये साधे सोपे हलकेफुलके ललित लेख आहेत. शहरातल्या अत्यंत धकाधकीच्या आयुष्यात आपल्या आजुबाजूला नेहमी दिसणाऱ्या घटनांवरचं, वेळोवेळी येणाऱ्या वेगवेगळ्या ट्रेंड्सवरचं भाष्य ह्या लेखांमध्ये आहे. एक निवांतपणाचा, मिष्किलीचा चष्मा लावून जर आपण जगाकडे बघितलं तर काय दिसतं ते मांडण्याचा प्रयत्न ह्या लेखांमध्ये केला आहे.
वीस वर्षांमध्ये दहा-बारा देशांमधल्या पंचवीस-तीस शहरांमध्ये हिंडलेल्या एका भटक्याची ही डायरी आहे! हे ‘प्रवासवर्णना’चं पुस्तक नाही. कुठल्या देशात, कुठल्या शहरात गेलात तर तिथे काय काय बघायचं, त्याचं ऐतिहासिक-सामाजिक महत्व काय वगैरेचं वर्णन या पुस्तकात नाही. तसंच मी कुठे गेलो, तिथे काय काय प्रेक्षणीय स्थळं पाहिली, ती बघताना कशी धावपळ झाली याचंही वर्णन या पुस्तकात नाही. ही डायरी हे प्रवासवर्णन नाही तर प्रवासचिंतन आहे.
iPhone, iPad, internet युगातल्या एका बापाचे संवेदनशील स्टेटस अपडेट्स!
