विडंबन

विडंबन

मी अण्णांचा ढापुन फोन!

मूळ गीत: मी पप्पांचा ढापुन फोन, फोन केले एकशे दोन!
मूळ कवी: संदीप खरे
(http://www.youtube.com/watch?v=mGfBJmnw3_8)

मी अण्णांचा ढापुन फोन, फोन केले एकशे दोन!
हॅलो, हॅलो, बोलतंय कोण
हॅलो, हॅलो, बोलतंय कोण
हॅलो, बोलतंय कोण…

सोनियाबाई मी गांधींघरची
रिमोट माझा, माझी खुर्ची
वरतुन अॉर्डर माझिच हाय
तुमचे कायबी चालणार नाय
तुम्ही कोण, काय तुमचे नाव
सांगा पटपट कुठले गाव

कसले नाव, नी कसला गाव
रॉंग नंबर लागला राव…
मी अण्णांचा ढापुन फोन, फोन केले एकशे दोन!

आमचे नाव राजा शेठ
स्पेक्ट्रम विकतो आम्ही थेट
आमची पोळी, तुमचं तूप
चापुन खातो आम्ही खूप
तुम्ही कोण, काय तुमचे नाव

Average: 8.3 (139 votes)

चला आता झोपू आपण...

चाल: उष:काल होता होता काळरात्र झाली

चला आता झोपू आपण फार रात्र झाली
आहे उद्या कामावरती वाह्यची हमाली

Average: 7.2 (50 votes)

गंऽऽऽ भाजणी

चाल: गं साजणी, कुण्या गावाची तू गं राणी

गंऽऽऽ भाजणी
थालि पीठाची
किंवा चकलीची
आहे कशाची तू गं राणी
गं ऽऽऽ
आली थापुन
आणि भाजुन
थोडी लाजुन माझ्या पानी

थप थप थापण्याच्या
तालावर झाली दंग
तालावर झाली दंग
पाणीथोडं फार
मऊ मऊ झालं अंग
मऊ मऊ झालं अंग
कांदे दोन चार
लाभला तयांचा संग
लाभला तयांचा संग

माझ्या घरात
तुझी परात
येते वरात मझ्या पानी
गं ऽऽऽ
आली थापुन
आणि भाजुन
थोडी लाजुन माझ्या पानी

Average: 8.9 (55 votes)

डोंबिवलीच्या चाळीमधली राजा आणिक राणी

डोंबिवलीच्या चाळीमधली राजा आणिक राणी
डोक्यावरती पंखा नाही नळास नाही पाणी

Average: 8.3 (89 votes)

नाच रे चोरा

चाल: नाच रे मोरा अंब्याच्या वनात

नाच रे चोरा
नाच रे चोरा तांब्यांच्या घरात
नाच रे चोरा नाच!

Average: 7.9 (56 votes)

मेघ नसता, वीज नसता...

मूळ कविता : मेघ नसता वीज नसता
मूळ कवी : संदीप खरे

मेघ नसता, वीज नसता, रोड बिघडू लागले
जाहले रस्ते नवे तेथे उकरणे चालले!

(रस्ता रोडरोलरला म्हणतो)
जाडसर चाकावरी का काळसरसा लेप हा?
तू मला ’रोलून’ बघताना तुला मी पाहिले!

एवढे नाजूक आहे वय तुझे का डांबरा?
मुंगळेही डांबरावर भार वाटू लागले

Average: 7.8 (29 votes)

आताशा मी फक्त दुकाने कपड्यांची फिरतो...

आताशा मी फक्त दुकाने कपड्यांची फिरतो
लाचारीने फिरवून कार्डे सहीस मागवतो

शर्ट नको मज कुठलाही अन पँट नको आहे
बक्कल कुठले मुळात मजला बेल्ट नको आहे
बायकोसंगे परवा माझ्या करार मी केला
सर्व खरेदी तिला करावी, काही नको मजला
बायकोजीच्या पुंगीवर मी नवरोबा डुलतो!

Average: 8.2 (47 votes)

पेटवा पेटवा

चाल: केशवा माधवा तुझ्या नावात रे गोडवा

पेटवा पेटवा
ह्याच्या कानाखाली पेटवा

Average: 7.8 (104 votes)

माधुरीचा राम

चाल: कौसल्येचा राम बाई, कौसल्येचा राम

माधुरीचा राम बाई
माधुरीचा राम
सगळे म्हणती हा नेने
आहे भाग्यवान बाई
आहे भाग्यवान

वेड लावणार्‍या सार्‍या
पाहुनि अदा
कितीतरी होते येथे
हुसेन फिदा
हाय आला राम बाई
हाय आला राम
सगळे म्हणती हा नेने
आहे भाग्यवान बाई
आहे भाग्यवान

किती तुझ्या प्रेमासाठी
जाहले फकीर
घेउनिया तुजला गेला
ABCD वीर
हा नेन्यांचा राम बाई
हा नेन्यांचा राम
सगळे म्हणती हा नेने
आहे भाग्यवान बाई
आहे भाग्यवान

Average: 7.1 (31 votes)

तोच चंद्रमा विराट

चाल: तोच चंद्रमा नभात

तोच चंद्रमा विराट
तीच लठ्ठ कामिनी
येताना तुज बघुन
लाजती ग हत्तीणी

Average: 8.7 (34 votes)